"Milli təhlükəsizlik və müdafiə məsələlərinə öncüllük verilməsi səbəbindən 2026-cı ilin büdcə zərfini həm də təhlükəsizlik büdcəsi olaraq səciyyələndirə bilərik".

Adalet.az xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında komitə sədri Azər Əmiraslanov deyib.

"Ölkəmizin əminamanlığı, vətəndaşlarımızın təhlükəsizliyi, müdafiə qabiliyyətimizin gücləndirilməsi, müasir ordu quruculuğu prosesinin hələ davam etməsi büdcə vasitəsilə hərbi gücün artırılmasını tələb edir", - deyə komitə sədri bildirib.