“Müstəqil Azərbaycanın dövlət bayrağı ən ali tribunalarda qaldırılıb”
9 noyabr Azərbaycanda dövlət bayrağı günüdür. Bu günün xüsusi qeyd olunmasının xalqımız üçün siyasi və mənəvi əhəmiyyəti var. Bayraq Günü nəsillərin davamlılığını, dövlət rəmzləri və ortaq dəyərlər ətrafında birliyi möhkəmləndirir. Ölkəmizin zəngin tarixini və nailiyyətlərini xatırladır. Bundan əlavə, Bayraq Günü Azərbaycan dövlətinin müstəqilliyinə sadiqliyini və daim milli maraqları müdafiə etmək əzmini ifadə edir.
Azərbaycanın üçrəngli bayrağı ilk dəfə 1918-ci il noyabrın 9-da Bakıda Azərbaycan Xalq Cümhuriyyəti Nazirlər Şurasının binası üzərində qaldırılıb, 1920-ci ilin aprel ayınadək dövlət statusuna malik olub. Sovet İmperiyasının süqutu ərəfəsində milli bayrağımiz ikinci dəfə məhz Naxçıvan Muxtar Respublikasında qaldırılıb. Belə ki, Ulu Öndər Heydər Əliyevin təşəbbüsü ilə 1990-cı il noyabrın 17-də Naxçıvan Muxtar Respublikasının dövlət atributları müəyyən edilib, Naxçıvan Muxtar Sovet Sosialist Respublikasının (MSSR) adından “Sovet Sosialist” sözləri çıxarılıb və Azərbaycan Xalq Cumhuriyyətinin bayrağı Naxçıvanın milli bayrağı kimi qəbul olunub. Naxçıvanda dövlət bayrağının qaldırılması Azərbaycanın dövlətçilik ənənələrinə müsbət təsir göstərdi. 1991-ci il fevralın 5-də Azərbaycan Ali Soveti həmin bayrağı dövlət bayrağı kimi təsdiq etdi. Müstəqilliyə gedən yol da əslində üçrəngli bayrağın dövlət rəmzi kimi qəbul olunması ilə başlandı. Beləliklə, müstəqil Azərbaycanın dövlət bayrağı ən ali tribunalarda qaldırıldı.
Azərbaycan Prezidenti İlham Əliyevin sərəncamı ilə 2009-cu ildən etibarən hər il noyabrın 9-u Azərbaycanda Dövlət Bayrağı Günü kimi qeyd olunur. Bakıda, eləcə də bir çox bölgələrimizdə bayraq meydanları yaradılıb. Bayraq birlik və milli qürur simvolumuzdur. Bayraq mənşəyindən və baxışlarından asılı olmayaraq vətəndaşları birləşdirir, vahid bir millətə mənsubluq hissini və öz ölkələrinə qarşı qürur hissini artırır.
Azərbaycan bayrağı 30 illik işğaldan sonra Qarabağ və Şərqi Zəngəzurda da dalğalanır. Biz böyük Zəfərdən sonra bayraq gününü respublikanın hər yerində qürurla qeyd edirik. Bu gün biz əcdadlarımızı, şəhidlərimizi ehtiramla yad edirik. Üçrəngli bayrağımız son 5 ildir Qalib ölkənin bayrağı kimi dalğalanır. Məhz bu bayraq altında vətənpərvər gənclik yetişib. Beləliklə, üçrəngli Azərbaycan bayrağı ölkəmizin keçmişini, bu gününü və gələcəyini birləşdirən körpüdür. Dövlət rəmzi olan şanlı bayrağımıza hörmət hər bir vətəndaşın məsuliyyəti və borcudur.
Digər Xəbərlər
14 Noyabr 2026 21:10
“Hər liderin öz ölkəsində məsuliyyət sahibi olmasını tövsiyə edərdim” - VİDEO
14 Noyabr 2026 19:07
Azərbaycan ABŞ ilə aqrar sahədə əməkdaşlığı genişləndirəcək
14 Noyabr 2026 19:01
”Bakı və London münasibətləri yeni geosiyasi reallıqlara uyğunlaşdırılıb”
14 Noyabr 2026 11:26
“Prezidentin səfərləri milli maraqlar naminə diplomatiyanın səfərbərliyidir”
14 Noyabr 2026 10:44
“Moskvanın bu cür tələbləri irəli sürməsi onun Ukraynaya qarşı...”
13 Noyabr 2026 18:29
Prezidentlə xanımının İrlandiya səfəri BAŞA ÇATDI - VİDEO
13 Noyabr 2026 17:13
Milli Məclisin növbəti iclaslarının vaxtları açıqlandı
13 Noyabr 2026 12:57


Bakı -°C

