Politico qəzeti yazır ki, NATO-nun keçmiş baş katibinin müavini Aleksandr Verşbou, NATO-nun Ukraynanın təhlükəsizliyinin qorunmağı ilə bağlı götürdüyü öhdəlik, ABŞ-ın İsrailin təhlükəsulyi ilə bağlı götürdüyü öhdəliyə bənzəyir. "Bu Ukraynanın NATO-ya daxil olacağı vaxta qədər müvəqqəti xarakter daşıya biləcək"- deyə o, bildirib.

Rəsmi şəxslər qəzetə bildiriblər ki, siyasətçilər təhlükəsizliklə bağlı verdikləri sözlər hələ ki, Ukraynanı silah-sursatla təmin etməkdən və hərbiçilərinin təlim keçməsini təmin etməkdən ibarətdir. Ukraynanın müdafiəsi üçün konkret təminatın verilməsi barədə heç bir addım atılmır.

Qərb hələ ki, Ukraynanın təhlükəsizliyinin qorunması ilə bağlı bir qərara gələ bilmir. Qəzetin bildirdiyinə görə, alyansa daxil olan dövlətlər NATO-nun və yaxud hansısa bir üzv dövlətin, yəqin ki ABŞ-ın, Ukraynaya belə bir təminatın verə biləcəyi qərarını verməkdə çətinlik çəkirlər.

Ukraynada isə müharibə getdikcə şiddətlənir. Gah rusların, gah da ukraynalıların hücumları barədə məlumaylar səngimir. Şeytan yuvasında isə hələ ki, nisbi sakitlikdi, hadisələr "soyuq başla" izlənilir, müharibənin mümkün qədər uzanması yolları araşdırılır.

Rüstəm Hacıyev