"Bavariya"nın heyətini gücləndirmək üçün növbəti hədəfini müəyyənləşdirib.

Adalet.az Almaniya mətbuatına istinadən xəbər verir ki, Münhen klubu "Qalatasaray"ın hücumçusu Victor Osimhenlə maraqlanır. 

Bildirilir ki, nigeriyalı forvard “Bavariya”nın hücum xəttini gücləndirmək üçün əsas namizədlərdən biri kimi nəzərdən keçirilir. Klub rəhbərliyi onun mümkün transferini dəyərləndirir və vəziyyətin inkişafını diqqətlə izləyir.

Qeyd olunur ki, Osimhenə digər Avropa klubları da maraq göstərir. Bu səbəbdən futbolçu uğrunda mübarizə yaxın transfer pəncərəsində daha da qızışa bilər.

27 yaşlı hücumçu cari mövsümdə bütün turnirlərdə 22 oyunda 15 qol vurub və 9 məhsuldar ötürmə edib. Onun dəyəri Transfermarkt portalına əsasən 75 milyon avro qiymətləndirilir.