Ötən həftə dünyada koronavirusa yoluxmada rekord artım qeydə alınıb - ÜST

Ötən həftə ərzində (3-9 yanvar) "omikron" ştammının yayılması ilə əlaqədar dünya üzrə koronavirusa yoluxma hallarının sayında rekord artım qeydə alınıb.
Adalet.az-ın məlumatına görə, bunu Ümumdünya Səhiyyə Təşkilatının (ÜST) baş direktoru Tedros Adhanom Qebreyesus deyib.
"Son bir həftə ərzində ÜST-yə dünya üzrə 15 milyondan çox yeni COVID-19 halı barədə məlumat daxil olub. İndiyə qədər bu, bir həftə ərzində qeydə alınmış ən yüksək göstəricidir", - deyə baş direktor bildirib.
O qeyd edib ki, koronavirusa yoluxma hallarının kəskin şəkildə artmasına səbəb "omikron" ştammının yayılmasıdır.
ÜST-nin baş direktoru bir daha peyvənd olunmağın zəruriliyini vurğulayıb. Onun sözlərinə görə, Afrikada əhalinin 85 faizindən çoxu hələ də peyvəndin ilk dozasını gözləyir. Dünyanın 90-a yaxın ölkəsi hələ də əhalisinin 40 faizini belə peyvənd etməyib, bu ölkələrin 36-sı isə əhalisinin 10 faizindən azını peyvənd edib.
Digər Xəbərlər

Pezeşkian 12 günlük müharibə zamanı yaralanıb

“Prezident olmaq çox təhlükəli işdir” - Tramp

Türkiyədə yaşayış binası yandı: ölənlər var - FOTOLAR

Netanyahu: İran İsrailə qarşı nüvə silahından istifadə etməyə hazırdır

Suriya-Türkiyə sərhədi 24 saatlıq iş rejiminə KEÇİR

Ərdoğandan sərəncam: TRT rəhbəri dəyişdi

Ərdoğan İraqın baş naziri ilə PKK-nın tərksilah edilməsini müzakirə edib
