"Qarabağ" Misli Premyer Liqasında "Neftçi"ni məğlub edib. 

Adalet.az-ın  məlumatına görə, XV turun sonuncu oyunu "Neftçi Arena"da keçirilib.

Qarşılaşma "köhlən atlar"ın 3:0 hesablı qələbəsi ilə yekunlaşıb. Ağdam təmsilçisinin heyətində 27, 56-cı dəqiqələrdə Leandro Andrade, 53-cü dəqiqədə Nəriman Axundzadə fərqləniblər.

Turnir cədvəlinin birinci pilləsində qərarlaşan "Qarabağ" xallarının sayını 37-yə çatdırıb. "Ağ-qaralar" 13 xalla 8-ci sıradadır. 

Qeyd edək ki, turun əvvəlki matçlarında "Araz-Naxçıvan" "Turan Tovuz"u, "Sabah" "Səbail"i, "Kəpəz" "Şamaxı"nı 1:0, "Zirə" isə "Sumqayıt"ı 4:1 hesabı ilə məğlub edib.

20:26

Misli Premyer Liqasının XV turunda keçirilən "Neftçi" - "Qarabağ" oyununda üçüncü qol vurulub. 

Adalet.az-ın məlumatına görə, Ağdam təmsilçisi hesab arasındakı fərqi daha da artırıb - 3:0. 

"Köhlən atlar"ın heyətində Leandro Andrade 56-cı özünün ikinci, komandasının üçüncü qoluna imza atıb.

20:18

Misli Premyer Liqasının XV turunda keçirilən "Neftçi" - "Qarabağ" oyununda ikinci qol vurulub.

Adalet.az-ın  məlumatına görə, Ağdam təmsilçisi hesab arasındakı fərqi artırıb - 2:0.

"Köhlən atlar"ın heyətində 53-cü dəqiqədə Nəriman Axundzadə fərqlənib.

20:08

Misli Premyer Liqasının XV turunda keçirilən "Neftçi" - "Qarabağ" oyununda ikinci hissə başlayıb.

Adalet.az-ın məlumatına görə, Ağdam təmsilçisi hazırda hesabda öndədir - 1:0.

"Köhlən atlar"ın heyətində 27-ci dəqiqədə Leandro Andrade fərqlənib.

20:08

Misli Premyer Liqasının XV turunda "Neftçi" və "Qarabağ" komandaları arasında derbi oyununda birinci hissə başa çatıb.

Adalet.az xəbər verir ki, Ağdam təmsilçisi "Neftçi Arena"da keçirilən görüşün fəsiləsinə 1:0 hesablı üstünlüklə yollanıb.

Qarşılaşmanı FIFA referisi Əliyar Ağayev idarə edir.

*** 19:37

Misli Premyer Liqasının XV turunda keçirilən "Neftçi" - "Qarabağ" oyununda ilk qol vurulub.

Adalet.az xəbər verir ki, 27-ci dəqiqədə Ağdam təmsilçisi hesabı açıb.

"Qarabağ"ın heyətində Leandro Andrade fərqlənib.

*** 19:07

Misli Premyer Liqasının XV turunda "Neftçi" və "Qarabağ" komandaları arasında derbi oyunu başlayıb.

Adalet.az xəbər verir ki, "Neftçi Arena"da keçirilən görüş saat 19:00-da start götürüb.

Qarşılaşmanı FIFA referisi Əliyar Ağayev idarə edir.