Qızılca ilə bağlı məktəblərin distant təhsilə keçməsi məsələsinə aydınlıq gətirilib.

Adalet.az xəbər verir ki, bu barədə elm və təhsil naziri Emin Əmrullayev media üçün keçirilən brifinqdə çıxışı zamanı deyib.

“Məktəblər qızılcaya görə bağlanmayacaq və distant təhsilə keçirilməyəcək. Uşaqlara vaxtında peyvəndləmə olmadıqdan sonra 6-7 il sonra bu kimi hallarla rastlaşırıq. Uşaqların peyvəndlənməsi önəmlidir.

Məktəblərdə müvafiq ehtimallar nəzərə alınaraq nəzarət gücləndirilib, pedaqoji kollektivə şagirdlərin səhhətində müşahidə oluna biləcək hər hansı narahatlıq halları ilə bağlı daha diqqətli olmaları tövsiyə edilib", - deyə nazir bildirib.