Tələbəlik illərimdə qəzetlərdən birinə yazmışdım “O nədir ki Qusarda havayıdır?” Kim taparsa redaksiya tərəfindən hədiyyə alacaq. Çox cavablar oldu. Amma heç kim tapmadı. Söhbət 1997 ci ildən gedir... Cavab “Ayaqyolu” idi... 

Sözüm onda yox...  Qusarda bir saatsaz vardı. Qol saatımın enerji daşı tükəndiyi üçün saatsazın məkanına getdim. Bir neçə qol saatım var... Çox əzizdilər mənə, varlığımı saniyəbəsaniyə tükəndirdiklərinə rəgmən... Bu dünyada ən çox sevdiyim kimlərdən, nələrdən biriləri də divar və qol saatlarıdır...  Zənnimcə hamımız üçün onların məqsəd və məramı bəllidir deyə çox seviləsidirlər... İşimə başlamazdan öncə saatsazın məkanına üz tutdum. Həm də bu məkana yaxın bir yerdə biznes mentorluq edirəm. Bilmirəm ki, usta rəhmətə gedib. Soruşdum ki, saatsaz hardadır? Dedilər: “Gedib o bir də qayıtmayacaq...”

Əqrəbləri dayanmış iki qol saatım kimi dondum yerimdə...

İlk sualım:
-Başqa yerdə saatsaz varmı? 

Dedilər ki: Bilmirik...

Bir üzünurlu, mehriban, çox diqqətcil adam olmaqla yanaşı, əsl sənətkar idi...  Saatsaz vəfat etdi.  Amma özündən sonra Qusarda saatsaz olmadı...

 Qusarda saat təmiri yoxdur...

2 ci sual belədir: O nədir ki, bundan sonra Qusarda nələr işləməyəcək?

Ceyhun Ağabəyov 

Prezident təqaüdçüsü.

Azərbaycan Yazıçılar birliyinin üzvü,