Rusiya Xəzər dənizində terror aktlarının qarşısını aldığını açıqlayıb
Rusiya Federal Təhlükəsizlik Xidməti (FSB) Adıgey Respublikası, Krasnodar diyarı və Xəzər dənizində hərbi və mülki obyektlərə qarşı planlaşdırılan terror aktlarının qarşısının alındığını açıqlayıb.
Adalet.az xəbər verir ki, bu barədə FSB-nin məlumatında bildirilib.
Məlumata görə, əməliyyat zamanı dörd nəfər saxlanılıb, daha iki nəfər isə saxlanılmağa müqavimət göstərərkən öldürülüb.
Qurumun iddiasına görə, hücumların həyata keçirilməsi üçün azı 40 zərbə PUA və 700 kiloqramdan çox partlayıcı maddədən istifadə edilməsi nəzərdə tutulub.
FSB bildirib ki, ilin əvvəlindən etibarən ehtimal olunan icraçıların fəaliyyəti izlənilib. Hücumların noyabr ayında həyata keçirilməsi planlaşdırılıb.
Rusiya xüsusi xidmət orqanlarının versiyasına görə, Ukrayna xüsusi xidmət orqanları öz agentlərinə 700 kiloqramdan çox partlayıcı maddə və azı 40 zərbə pilotsuz uçuş aparatı ötürüblər. Onların bir hissəsinin Adıgey və Krasnodar diyarında yerləşdirilərək hərbi aerodromlara və kritik infrastruktur obyektlərinə hücumlarda istifadə edilməsi planlaşdırılıb.
FSB-nin məlumatına əsasən, digər hədəflər Xəzər dənizindəki hərbi gəmilər və mülki üzən vasitələr olub. Onlara hücum etmək üçün su motosikletlərinin partlayıcı maddələrlə təchiz edilmiş pilotsuz katerlərə çevrilməsi nəzərdə tutulub. Bundan əlavə, agentlərə altı kvadrosikl də verilib.
Digər Xəbərlər
17 Noyabr 2026 09:56
Hakan Fidandan Rusiyanın Qara dənizdəki hücumlarına reaksiya
17 Noyabr 2026 09:06
“Qazandığımızdan daha çox itirdik” - “Brexit”i sərt tənqid etdi
17 Noyabr 2026 08:58
Monqolustan Prezidenti istefa verdi
17 Noyabr 2026 08:33
Rusiya Kiyevdə körpülərə raket zərbələri endirdi
17 Noyabr 2026 08:21
Vens: ABŞ İranla müharibənin iki il davam etməsinə imkan verməyəcək
17 Noyabr 2026 07:37
Wi-Fi yığışdırılacaq, diş məcunu qadağan ediləcək - Ağlasığmaz vədlər verir
17 Noyabr 2026 07:36
İran yüksəkvəzifəli ABŞ rəsmilərinə sui-qəsd hazırlayıb? - Ağ Evdən cavab
17 Noyabr 2026 07:34


Bakı -°C

