Bu dünyada heç kim fiziki olaraq əbədi qalmır. Əbədiyyət onun adının və xatirəsinin hər zaman yadda qalması ilə olur. Dəyərli Vurğun Əyyub rəhmətə gedəndə yüzlərlə insan onun ruhuna salavat çevirib, bu gün də yada salıb rəhmət deyirsə, bu onu göstərir ki, Vurğun Əyyub fiziki olaraq yanımızda olmasında da ruhu və xatirəsi əbədiyyətə qədər qalacaqdır.

Qadir İbrahimli ilə qısa zamanda dost olduq, dedik, güldük, yoldaşlıq etdik. Uzun çəkməsə də xatirimdə sanki illərdir tanıdığım insan olaraq qaldı. Bu gün sosial mediada və mediada Qədir bəy haqqında kədərli statuslar görürəm və bu onu göstərir ki, hamının rəhmət dilədiyi bir şəxs, hamının sevdiyi İnsan olub. Demək Qədir bəy fiziki olaraq aramızda daha yoxdursa xatirəsi daima bizimlə olacaq. Sağlığında cənnət qazanan İnsan indi fiziki olaraq cənnətdədir. Demək Qədir bəyə oxunan dualar deyilən rəhmətlər Tanrı tərəfindən bilinib.

Ruhun şad olsun Qədir bəy. Xatirən daima yaşayacaqdır