Toyuq-cücə kişləyirlər,
Ayğır kimi kişnəyirlər.
Baş ilxıçı işlədirlər
Yiyəsini yıxan atlar!

Ölmüş atdan nal sökürlər,
Ev yıxıb tövlə tikirlər.
Qaş düzəldib göz tökürlər,
Yiyəsini yıxan atlar!

Qara kişmişdən doymurlar,
Tər yoncanı ot saymırlar.
Qıratı heç at saymırlar,
Yiyəsini yıxan atlar!

Gah sağa, gah sola çapır,
Göydən alır, göydə çarpır.
Yiyəsini minib çapır,
Yiyəsini yıxan atlar!

Şərləməyi xoşlayırlar,
Fağırları xışlayırlar.
Ayğır kimi kişnəyirlər,
Yiyəsini yıxan atlar!

Köhlənlər kralı olub,
İgidlik misalı olub
 Sədaqət timsalı olub
Yiyəsini yıxan atlar.

19 fevral 2000-ci il