adalet.az header logo
  • Bakı 26°C
  • USD 1.7
19 May 2022 14:04
534
ELM VƏ TƏHSİL

 "Şuşa ili"nə həsr edilmiş konfrans - FOTO

“Zəfər  tarixi” konfranslarının  keçirilməsi barədə Bakı Şəhəri üzrə  Təhsil İdarəsinin  18.04.2022-ci il tarixli F-146 nömrəli əmrinə əsasən 13 may  tarixində  MLK-in akt zalında "Zəfər konfransı" keçirilmişdir.

Təhsil alanların Zəfər  tariximiz  barədə məlumatlandırılması, Azərbaycanın ərazi bütövlüyü uğrunda şücaət göstərərək şəhidlik zirvəsinə ucalmış oğullarımızın şagirdlər arasında tanıdılması, gənc nəslin vətənpərvərlik ruhunda tərbiyə edilməsi məqsədi ilə təşkil olunan konfransı giriş sözü kompleksin direktoru Esmira Quliyeva açdı.  

Kompleksin tarix müəllimləri  Könül Mehdiyeva “Dəmir yumruq  əməliyyatı”, tarix üzrə fəlsəfə elmləri doktoru Elmira Camalova  “Şuşa qalasının tarixi”, ADPU-nun  baş müəllimi tarix üzrə fəlsəfə elmləri doktoru  Səbinə Həziyeva “Heydər Əliyev və müasir  Azərbaycan”,  ADPU-nun  tarix fakultəsinin IV tələbəsi Ayşən Əmrahova “I Qarabağ müharibəsi- Şuşanın müdafiəsi”mövzuları ətrafında çıxışlar etdilər. Konfransda çıxış edən valideyn, I Qarabağ müharibəsində şəhid olmuş Heydər Həmidovun qızı, Vətən müharibəsində şəhid olmuş mayor Anar Məmmədovun  həyat yoldaşı Nəzirə Məmmədovanın qürurlu  çıxışı iştirakçıları kövrəltdi.

Konfransda məktəb liseyin   9-cu sinif şagirdlərinin iştirakı  ilə   keçirilən "Zəfər tarixi" fənnin tədrisi vəziyyətinin  monitorinqinin nəticələri müzakirə edilmiş,  şagirdlərlə  mövzu  ətrafında  fikir mübadiləsi aparılmışdır.

Konfrans 4H sinif şagirdlərinin ifasında “Qələbə” kompazisiyası ilə yekunlaşdı.