Ürəyimdən bir söz gəlir dilimə,

Qoy deyim ki,ürəyimdə qalamsın.

Görən gündən vurulmuşam mən sənə,

Qoy deyim ki,dərd qəlbimi almasın.

******

Məni sevdiyini bilənə kimi,

Üzünə gülüşlər gələnə kimi,

İnan,sevəcəyəm ölənə kimi,

Deyim sənə ürəyimdə qalmasın.

******

Sən mənim havamsan,sən mənim suyum,

Sən mənim baharım,sən mənim yayım,

Olmusan qismətim,həm şirin payım,

Mən deyim ki,ürəyimdə qalmasın.

******

Saç ağarıb bəyaz donu geysədə,

Yaş çoxalıb,qamətimi əysədə,

Sevəcəyəm əcəl gəlib yetsədə,

Sənə deyim ürəyimdə qalmasın.

******

Məcnunun adı var,divanəyəm mən,

Eşqimin yolunda pərvanəyəm mən,

Sevən ürəyimdi,nəkarəyəm mən?

Söyləyim ki,ürəyimdə qalmasın.

******

Məhəbbətdən alışıram,yanıram,

Aşiq desəm təkcə səni anıram.

Sevənlərdən mən Məcnunu danıram,

Mən deyim ki,ürəyimdə qalmasın.

******

Sevgi var ki,dəli edir insanı,

Sevgi var ki,məhv eləyir bir canı,

Sevgi var ki,gözü görmür cahanı,

Qoy deyim ki,ürəyimdə qalmasın.

******

Divanə eyləyir sevgi hər kəsi,

Dəyişdirir həm insanı,həm səsi,

Ağır olur,inan sevginin dərsi,

Mən deyim ki,ürəyimdə qalmasın.

******

Sevən kəsə dəli demə,günahdı.

Göz yaşları qaynayan bir bulaqdı.

Çətin günlər sevən üçün sınaqdı.

Qoy deyim ki,ürəyimdə qalmasın.

******

Şeirin müəllifi-Dünya Qarabağlı Texniki Universitetin İqtisadiyyat və İdarəetmə fakültəsinin tələbəsi.