Analar ağlayır övladı üçün,

Ağrıdır ürəyin,ağardır saçın,

De,niyə anandan qaçırsan,neyçün?

Ay ana qədrini bilməyən övlad !

******

Analar övlad çün qəddin bükəndi.

Övlad çün qəlbinə qəmlər əkəndi.

Hər zaman övladın dərdin çəkəndi.

Ay ana qədrini bilməyən övlad !

******

Gecələr yuxusuz qalandı ana.

Pis gündə alışıb-yanandı ana.

Əriyəndi ana,donandı ana.

Ay ana qədrini bilməyən övlad !

******

Düşməyir şad gündə anan yadına,

O,qıymaz ki, ləkə gələ adına,

Yanar pərvanə tək sənin oduna.

Ay ana qədrini bilməyən övlad !

******

Analar övlada qıymaz heç zaman.

Övlad olsa da yamandan-yaman.

Dar gündə övlada diləyər aman.

Ay ana qədrini bilməyən övlad !

******

Yadların dostluğu gen gündə olur.

Gen gündə dost deyib,yadına salır.

Dar gündə analar qeyidə qalır.

Ay ana qədrini bilməyən övlad !

******

Yaşlar süzüləcək yanaqlarından,

Dözməyib həyatın sınaqlarından,

Ahlar qopacaqdı dodaqlarından.

Ay ana qədrini bilməyən övlad !

******

Yadlardan ögeylik gördüyün zaman,

İnan ki, başından qalxacaq duman.

Ananın qədrini biləssən haman.

Ay ana qədrini bilməyən övlad !

******

Ömrünü övlada verər analar.

Övlad çün haraya gələr analar.

İnan ki,övlad çün ölər analar.

Ay ana qədrini bilməyən övlad !

******

Ananın qədrini bilmək gərəkdi,

Övladın yolunda ana zirəkdi,

Analar övlad çün hər an dirəkdi.

Ay ana qədrini bilməyən övlad !

******

Bir zaman gələcək,anan öləcək,

Sənə də qocalıq qonaq gələcək,

O zaman qəlbini dərdlər dələcək.

Ay ana qədrini bilməyən övlad !

******

Bir ananın xahişi ilə yazdığım bu şeiri sizlərin nəzərinə çatdırmaq istəyirəm.

Şeirin müəllifi:Dünya Qarabağlı-Texniki Universitetin İqtisadiyyat və İdarəetmə fakültəsinin tələbəsi.