Elə danış ki,sən,elə gül ki,sən,

Fırlan bu dünyanı,elə gəl ki,sən,

Hər an Allahını yada sal ki,sən,

Enəndə,ay dostum,əyilməyəsən!

******

Şahmat taxtasında şah da mat olur,

Piyada dönərək bəzən at olur,

Xeyirxah insanlar çox rahat olur.

Sadə ol,enəndə əyilməyəsən!

******

Dostuna yuxardan aşağı baxma,

Kasıbı yandırma,yetimi yaxma,

Od olub,başında şimşək tək çaxma,

Sonunda pislərdən sayılmayasan!

******

Yaxşılıq et,fürsət düşsə əlinə,

Zəhər tökmə danışanda dilinə,

Mərd övlad ol,hər bir zaman elinə,

Axırda pis olub oyulmayasan!

******

Yaxşı insan öz-özündən güc alır,

Yaxşı insan öz gözündə ucalır.

Yaxşı insan əməliylə düz qalır.

Düz ol ki,enəndə əyilməyəsən!

******

Yaxşılar qalxacaq zirvəyə,önə,

Yamanlar düşəcək dumana,çənə,

Hər an söyləyirəm,mən dönə-dönə,

Yaxşı ol,sonunda əyilməyəsən!

******

İmkan da gedəcək,var da gedəcək,

Sevinc də,gülüş də darda gedəcək,

Nə qazanmısansa,orda gedəcək.

Elə et,soğan tək soyulmayasan!

******

Cavanlıq da gedər,qocalıq gələr,

Zalımın qəlbini dərd-kədər dələr,

Gör,onun başına de,nələr gələr.

Elə et,yaman tək oyulmayasan!

******

Namərdlər mərdlərə bir ibrət olsun.

Pislərə Allahdan bir nifrət olsun,

İnsanda kömək çün,cəsarət olsun.

Olsun ki,öləndə soyulmayasan!

******

Əlindən gəlirsə,yaxşılıq eylə,

İnan ki, bu işlər yaxşıdı böylə,

Sən kini-küdrəti uzaqda əylə,

Əylə ki,pislərdən sayılmayasan!

******

Soğan qabığı tək soyulur insan,

Yamanlıq eyləmək deyildir asan,

Onun çün, bu işdən vaxtında usan.

Haqqın qarşısında döyülməyəsən!

Şeirin müəllifi:Dünya Qarabağlı-Texniki Universitetin İqtisadiyyat və İdarəetmə fakültəsinin tələbəsi.