Türkiyədə vəfat edən azərbaycanlı həkim Fərqanə Abbasovanın nəşi Azərbaycana gətirilərək dəfn edilib.

Adalet.az  "Teleqraf"a istinadən xəbər verir ki, mərhum Qaradağ rayonu Lökbatan qəsəbəsində yerləşən qəbiristanlıqda torpağa tapşırılıb.

Fərqanə Abbasova infraktdan vəfat etsə də, Türkiyə mətbuatı gənc həkimin intihar etməsi ilə bağlı iddialar irəli sürüb. Lakin Abbasovanın yaxınları intihar xəbərlərini yalanlayıb.

Qeyd edək ki, Azərbaycan Tibb Universitetinin məzunu olan Fərqanə Abbasova daha sonra təhsilini Türkiyədə davam etdirib. O, təhsilini başa vurduqdan sonra bu ölkədə ixtisası üzrə çalışıb. Fərqanə Abbasova Gədəbəyin sabiq icra başçısı Saleh Rüstəmlinin bacısı qızıdır.