“Ulduz” jurnalının iyul-avqust sayı dərc edilib.

Adalet.az xəbər verir ki, “Yeni nəsil: tənqid+” adlı yeni layihə “Ulduz” jurnalı ilə C.Cabbarlı adına Respublika Gənclər Kitabxanasının birgə əməkdaşlığı sayəsində ərsəyə gəlib.

Jurnal Qismət Rüstəmovun tərcüməsində Adam Kirşin “Qlobal roman: XXI əsrdə dünyanı yazmaq” məqaləsi ilə açılır.

“Tənqid” bölümündə Ramil Əhmədin “Xatırlamanın və unutmağın səsi”, Ülvi Babasoyun “Ədəbi tənqidin susmaq formaları”, Qismət Rüstəmovun “Qar Tanrısının qeydiyyatı haradır?”, Tomas Eliotun “Tənqidin hədləri” yazıları dərc edilib.

“Şeir vaxtı”nda Alik Əlioğlu, Feyziyyə, Rəbiqə Nazimqızı, Şəhriyar Del Gerani, Günel Şamilqızı, Anar Amin, Elçin Səlimlinin şeirləri çap olunub.

“Nəsr”də Cavid Zeynallının “Həmin işıqlı günlər” hekayəsi, Ülviyyə Heydərovanın “Pələng” hekayəsi yer alıb.

“Tərcümə saatı”nda Seyfəddin Hüseynlinin tərcüməsində Andrey Volosun “Çulışman” əsəri təqdim edilib.

“Dərgidə kitab”da Kamil Şahverdinin “Bir daha himnimiz haqqında” (1-ci yazı) yazısı işıq üzü görüb.

“Dərgidə sərgi”də Naqiyə Rzayevanın əl işləri yayımlanıb.