UNEC-də Psixoloji xidmət mərkəzi yaradıldı

Elmi Şuranın qərarı ilə UNEC-də Psixoloji xidmət mərkəzi yaradılıb.
Adalet.az xəbər verir ki, UNEC-də təhsilalanların akademik nailiyyətlərinin artırılması, müsbət davranış modelinin formalaşdırılması, universitetdə təhlükəsiz və sağlam mühitin yaradılması, əməkdaş və tələbələrin mənəvi-psixoloji sağlamlığının dəstəklənməsi məqsədilə Psixoloji xidmət mərkəzi fəaliyyət göstərəcək.
Əməkdaş və tələbələrin psixoloji müdafiəsinin təmin edilməsi, yarana biləcək emosional və psixi böhranların, imtahanqabağı stresin qarşısının alınması da Mərkəzin əsas fəaliyyət istiqamətlərini təşkil edəcək. Eyni zamanda Mərkəzdə psixoloji müayinə çərçivəsində təhsilalanların fərdi-psixoloji xüsusiyyətlərinin, potensial imkanlarının, meyl və maraqlarının öyrənilməsi, sosiallaşmada yaranan çətinliklərin səbəblərinin müəyyənləşdirilməsi üzrə sistemli tədbirlər də həyata keçiriləcək. Universitetdə sağlam mənəvi-psixoloji mühitin formalaşdırılması və sabit saxlanılması, tədris-tərbiyə prosesinin səmərəli təşkili istiqamətində ehtiyacların daim öyrənilməsi, təhsilalanların sosial bacarıqlarının artırılması istiqamətində pedaqoji heyətlə birlikdə müvafiq işlər aparılacaq.
Digər Xəbərlər

Lisey və gimnaziyalara qəbulun nəticələri açıqlandı

MİQ üzrə müsabiqənin test imtahanı mərhələsi başa çatıb

Qarabağda 10-a yaxın yeni məktəb açılacaq

"Bu o demək deyil ki, kimsə bərkdən qışqırsa, qorxub imtahanı ləğv edəcəyik"

Azərbaycanda rus bölmələri bağlanacaq? - Nazirdən açıqlama

Müəllimlərin 45 faizi 1000 manatdan çox maaş alacaq

Nazir: Kolleclərdəki müəllim hazırlığının mənfi təsirləri indi görünür
