Yaxın Şərqdə irimiqyaslı müharibə başlaya bilər

The New York Times qəzetinin yazdığına görə, İranın Ali dini rəhbəri Əli Xamenei, HƏMAS-ın siyasi bürosunun lideri İsmayıl Xanıyanın öldürülməsinə cavab olaraq İsraili vurmağı əmr edib.

 Qeyd olunur ki, müvafiq qərar İranın Milli təhlükəsizlik üzrə Ali Şurasının təcili keçirilən iclasında qəbul edilib.

 Daha əvvəl HƏMAS-ın Livandakı nümayəndəsi Mahmud Tax bəyan etmişdir ki,  Xanıyanın  qətlə yetirilməsində İsrail və ABŞ məsuliyyət daşıyır və bu əməliyyatın keçirilməsi əvvəlcədən Vaşinqtonla razılaşdırılıb. Mahmud Taxın sözlərinə görə, hərəkatın liderinin öldürülməsi, Yaxın Şərqdə irimiqyaslı müharibəyə gətirib çıxara bilər, ABŞ isə anlamalıdır ki, bu regionda eskalyasiyaya səbəb olmaqda cavabdehlik daşıyır. 

 Ağ Evin milli təhlükəsizlik şurasının strateji kommunikasiyalar üzrə koordinatoru Con Kirbi bəyan edib ki, ABŞ əvvəlcədən HƏMAS-ın siyasi bürosunun liderinin məhv edilməsi ilə bağlı İsrailin planlarından xəbərdar olmayıb.

  Rüstəm Hacıyev