Yaponiyanın baş naziri Fumio Kisida sentyabrda keçiriləcək seçkilərdə Liberal-Demokratik partiyasından ikinci dəfə  namizədliyini irəli sürməmək barədə qərara gəlib. Onun namizədliyini verməyəcəyi bardə xəbərlər əvvəlcədən də güman edilirdi.

 Kisidanın baş nazirliyi dövründə yaranmış qalmaqlar fonunda rəhbərlik etdiyi partiyanın nüfuzu 20,1 faizə qədər enib.

 "Qarşıdan gələn seçkilərdə seçicilərə yeni Liberal-Partiyasını  nümayiş etdirmək lazımdır. Partiyanın özünü nümayiş etdirməsi üçün şəffaf və açıq seçkilər keçirilməsinə, azad və açıq müzakirələr aparmasına ehtiyac var. Ona görə də, partiyanın yeniləcəyini göstərmək üçün ilk addım mənim hakimiyyətdən getməyim olacaq"-deyə Fumio Kisida bəyan edib.

 Xatırladırıq ki, Fumio Kisidanın 67 yaşı var və o, 2021-ci ilin payızından LDP-yə rəhbərlik edir, elə o ildən də Yapiniyanın baş naziri postunu tutur.

 Rüstəm Hacıyev