Ukrayna Prezident Administrasiyasının rəhbəri Andrey Yermak istefa veribş

Adalet.az xəbər verir ki, bunu Ukrayna Prezidenti Volodimir Zelenski deyib.

"Aparatın rəhbəri Andrey Yermak istefa ərizəsi təqdim edib. Rusiya Ukraynanın səhv etməsini çox istəyir. Bizim tərəfimizdən heç bir səhv olmayacaq. İşimiz davam edir. Mübarizəmiz davam edir. Uğursuzluğa, geri çəkilməyə və ya münaqişəyə girməyə haqqımız yoxdur. Birliyimizi itirsək, hər şeyi itirmək riski ilə üzləşirik: özümüzü, Ukraynanı və gələcəyimizi", - deyə Zelenski bildirib.

Qeyd edək ki, bu gün səhər saatlarında Ukrayna Milli Antikorrupsiya Bürosunun və Xüsusi Antikorrupsiya Prokurorluğunun əməkdaşları Prezident Aparatının rəhbəri Andriy Yermakın hökumət məhəlləsindəki iqamətgahında axtarışlar aparıblar.