Yevlaxda avtomat satmaq istəyən şəxs tutuldu
![](https://adalet.az/uploads/img/posts/2023/01/26/12jpg-1674712041.jpg)
Yevlax Rayon Polis Şöbəsinin (RPŞ) əməkdaşlarının keçirdikləri əməliyyat-axtarış tədbirlərı nəticəsində odlu silah satmaqda şübhəli bilinən rayon sakini saxlanılıb.
Bu barədə Adalet.az-a Daxili İşlər Nazirliyinin Mətbuat Xidmətinin Bərdə regional qrupundan məlumat verilib.
Bildirilib ki, polis əməkdaşlarının keçirdikləri əməliyyat tədbirləri ilə odlu silah satmaqda şübhəli bilinən rayon sakini İlkin Əliyev saxlanılaraq şöbəyə gətirilib. Onun əlindəki torbaya baxış keçirilərkən 1 ədəd “AK-74” markalı avtomat, həmin silaha məxsus 1 ədəd sandıqça və 9 ədəd patron aşkar edilərək götürülüb. Həmçinin onun üzərindən güclü təsiredici xassəyə malik narkotik vasitə olan heroin də aşkar edilərək götürülüb.
Dindirilmə zamanı İ.Əliyev silahı rayon ərazisindən tapdığını və 2300 manat müqabilində şəxsiyyəti istintaqla araşdırılan bir nəfərə satmaq istədiyini bildirib.
Faktla bağlı Yevlax RPŞ-də cinayət işi başlanılıb, araşdırmalar davam etdirilir.
Digər Xəbərlər
![](https://adalet.az/uploads/img/posts/2024/08/31/19jpeg-1725094410.jpeg)
Xankəndi, Xocavənd və Xocalı ərazisindən tapılan silah-sursatın həcmi açıqlanıb
![](https://adalet.az/uploads/img/posts/2024/08/31/12jpg-1725085407.jpg)
Türkiyədə Azərbaycanın beynəlxalq axtarışa verdiyi şəxs saxlanılıb
![](https://adalet.az/uploads/img/posts/2024/08/30/11jpg-1725024083.jpg)
İrandan Azərbaycana narkotik keçirilməsinin qarşısı alındı
![](https://adalet.az/uploads/img/posts/2024/08/30/33jpg-1725006712.jpg)