Rusiya Xarici İşlər Nazirliyinin sözçüsü Mariya Zaxarova həftəlik brifinqdə jurnalistin sualını cavablandırarkən Ermənistanın Gümrü şəhərinin meri Vardan Qukasyanın həbsini şərh edib.

Adalet.az xəbər verir ki, bu barədə Rusiya KİV yazıb. 

Onun sözlərinə görə, Moskva Rusiyanın 102-ci hərbi bazası, Rusiya Baş Konsulluğu və Rossotrudniçestvo bölməsinin yerləşdiyi Ermənistanın ikinci böyük şəhəri olan Gümrüdəki vəziyyətin inkişafını diqqətlə izləyir. Zaxarova qeyd edib ki, şəhər rəhbərliyi Rusiya Federasiyasının müxtəlif regionları ilə əməkdaşlığı fəal şəkildə inkişaf etdirir.

"Biz, əlbəttə ki, Rusiya-Ermənistan münasibətlərini yüksək qiymətləndiririk və xalqlarımız arasında ənənəvi sıx əlaqələri müdafiə edənləri hər zaman dəstəkləyirik. Merin həbsinə gəlincə, bu, Ermənistanın daxili işidir. Bununla belə, qeyd edirik ki, Vanadzor, Berd, Gorus və digər icmaların rəhbərlərinə qarşı əvvəllər də cinayət işi başlanıb və onlardan bəziləri həbs olunub. Ümid edirik ki, bu cür məhkəmələr məhkəmə sistemi ilə xalq arasında əlaqənin pozulmasına və ona inamın azalmasına səbəb olmayacaq. Əslində, Ermənistanın baş naziri bu yaxınlarda Ermənistan Demokratiya Forumunda bu barədə danışıb", - diplomat bildirib.