Sanki bütün müğənnilər bir- biri ilə yarışa  giriblər.  Özü də tanınan, səsi və istedadı olan müğənnilər yox ha, toy müğənniləri, daha doğrusu, çox vaxt camaatı aldadıb toyda və televiziyalarda fonoqramla  oxuyan  ifaçılar.

Onların biri deyir ayda toylardan yüz min qazanıram, biri deyir yetmiş min qazanıram , biri də deyir ki, otuz min qazanıram.Sonra da deyirlər ki, on evim var, bir başqası bildirir ki, on beş evim var, digər də deyir ki, mənim xarici ölkələrdə  də evlərin var! Elə bil ki, qəsdən camaata yandıq verir, insanların əsəbləri ilə oynayırlar. Noldu, çox istedadlı, gözəl səsi olan və uzun illər toy aparan  müğənnilərin, sənətkarların bir- iki evi var, amma yumurtadan dünənə dınq eləyib çıxan qadın müğənnilərin  on beş evi! Yəqin hansı pullu kişi isə onlara  ev verir.

Bir dəfə rəhmətlik Baloğlan Əşrəfov bu mövzuda söhbət düşəndə      demişdi ki, hamıdan çox və baha toylara gedirəm, amma menim Bakıda  həyət evim var.Bəli, əsil sənət adamlar heç vaxt belə bayağı söhbətlərlə  tamaşaçıları əsəbləşdirməyib, ancaq səsi və sənəti olmayan qadın toy müğənniləri min hoqqadan çıxır, televiziyalarda ağızlarına gələni danışır,öz əxlaqlarını və səviyyələrini  göstərirlər.

Onları da hörmətli edən pul xatirinə özəl televiziya kanallarıdır.  İndi tamaşaçıları aldatmaq lazım deyil. Yaxşı və səviyyəli tamaşaçı çox yaxşı bilir ki, o müğənnilər  saydıqları evləri hansı pulla alıblar.Adam naşükür olmaz! Sizin nə qədər eviniz var, özünüzə qismət, amma  heç kimə haqq verilmir ki, var- dövləti ilə öyünsün və başqalarının qanın qaraltsın; çünki hər şeyi verən də , Allahdır, alan da!!!

Emil Faiqoğlu