SON DƏQİQƏ:

Azərbaycan xalqı düz 3 aydı ki... - Eminquey yazır

  56181   |  
Şriftin ölçüsü  
Hal-hazırda Azərbaycan xalqı efirdə müğənni görəndə əsəbiləşir. Oynayan müğənnini isə uzaq elə, parçalayarlar. Onlar heç olmasa efirdə oynayırlar. 3 aydı toy yoxdu, 3 ay! 

Ağır dərddi. 

Azərbaycan xalqı düz 3 aydı ki, 25 cür yeməyin üstündən 12 cür şirə içə bilmir. 

Azərbaycan xalqı düz 3 aydı ki, "Ana" muğamına ağlayıb qəfil ildırım sürətilə gözləri yaşlı, burnu selikli "Yanıq Kərəm"ə oynamır. 

Azərbaycan xalqı düz 3 aydı ki, toy eləyə bilmir ki, səhərsi "o nə süfrə idi, ay qız?" deyib qeybət eləsin. 

Azərbaycan xalqı düz 3 aydı ki, ən yaxşı geyimini toya geyinib gözü götürməyənlərə acıq verə bilmir. 

Azərbaycan xalqı düz 3 aydı ki, toyda mikrofonu əlinə alıb "mən nə danışa bilərəm ki?!" deyib 1 saatlıq çıxış eləmir. 

Azərbaycan xalqı düz 3 aydı ki, 25 cür yeməkdən yeyib evə gələndə "heç nə tapmadım yeməyə, ac gəldim toydan" demir. 

Azərbaycan xalqı düz 3 aydı ki, xərcə-borca girib varlı görünmək üçün bahalı şey-şüylərlə xonça bəzəmir.

Azərbaycan xalqı düz 3 aydı ki, restoran sahiblərinə borclu qalmır, girov qoymur. 

Azərbaycan xalqı düz 3 aydı ki, 150 minlik maşınla gecəqondusuna gəlin gətirmir. 

Azərbaycan xalqı düz 3 aydı ki, şairin, yazıçının kitabına 5-10 manat qıymayıb Manafa 10 min verib toyuna gətirə bilmir. 

Azərbaycan xalqı düz 3 aydı ki, ayda 7-8 dəvətnamənin gəlməyinə, sonra bir-bir o toylara gedib ayın axırına kimi borcla yaşamağa həsrət qalıb.

Azərbaycan xalqı düz 3 aydı ki, "Allah hamının balasına toy qismət eləsin" deyib dərgahdan əliboş qayıdır. 

Azərbaycan xalqı düz 3 aydı ki, bu vaxta qədər getdiyi toyların pulunu yığmaq istəyir, amma yığa bilmir. Günlərdir Paşinyan üstünə qoyub. Şuşanı paytaxt elədi, sonra dedi ki, Azərbaycan xalqı qorxaqdı. 

Azərbaycan xalqı düz 3 aydı ki, rumkanı qaldırıb "o gün olsun, Qarabağda toy eləyək!" deyib hirsini çıxa bilmir... 

Və nəhahət, Azərbaycan xalqı düz 3 aydı ki, təntənəli, çal-çağırlı toysuz ailə qura bilmir. 

Dərdimiz dərd döyül e....

Dosta Göndər :

  

SON XƏBƏRLƏR

2021-06-19
2021-06-18

Video

Yazarlar

MARAQLI

DÜNYA

ƏDALƏT BU GÜN
May: 27,

Redaktor seçimi

FOTOREPORTAJ

GÜNÜN SİTATI

SORĞU

Azərbaycanda futbol var?

ÇOX OXUNAN

GÜNÜN LƏTİFƏSİ

Zahid Oruc Brüsseldə oteldə istirahət edir.

Qəflətən yaylım atəşi açılır, ardınca ikinci, üçüncü...

Zahid müəllim həyəcanla vestübülə düşür və otelin işçilərindən nə baş verdiyini soruşur. Otelin administratoru:

- Ser, ABŞ prezidenti Co Bayden Brüsselə gəlib, ona görə atırlar.

Zahid müəllim təəcüblə:

- Nədi, birinci dəfədən vura bilmədilər?

ARXİV

TƏQVİM

FACEBOOK