Türkiyənin İstanbul şəhərində körpəsinin ölümünə səbəb olan qadın 25 il azadlıqdan məhrum edilib.

“TRT Haber” məlumat verir ki, Özgə Ö. evdə dünyaya gətirdiyi körpəsini paltar şkafına qoyub.

Yenidoğulmuş havasızlıqdan və aclıqdan həyatını itirib.

Özgə Ö. ifadəsində deyib ki, qorxduğu üçün hamiləliyini ailəsindən gizlədib:

“Məni rədd edəcəklərindən qorxdum. 17 yaşım var idi. Məntiqli düşünə bilmirdim. Körpəni dolabın içinə qoydum ki, ailəm görməsin. Reaksiya verəcəklərindən qorxurdum. Çox peşmanam. Sərbəst buraxılmağımı istəyirəm”.