SON DƏQİQƏ:

Tural CƏFƏRLİ - ŞEİRLƏR

  1141   |  
Şriftin ölçüsü  

Qaranlığın işığında

Səlim Babullaoğluna

 

Axar çayı iki dəfə,

Düz iki dəfə

Keçə bildim...

Necə...?

Düşündüm ki, axar sular

Bulanmaz və beləcə

Ürəyimdə dinclik tapdım...

 

Taleyin sualları varsa,

Cavabları da var.

Cavab yoxdursa,

Demək tale deyil,

Ömürdü sadəcə...

 

Sükutumu ayrı dildə,

Ayrı əlifbada, ya ayrı bir

musiqidə dinlədikcə

anlayıram ki,

mən yoxam...

 

Həyat

Həyat bizlə yaxşı davrandıqca

Biz özümüzlə pis davranmağa başlayırıq...

Məsələn: Ən əziz adamları unudur,

Sonra niyə unutduğumuzu xatırlamırıq...

Ona görə də, həyat bizlə bir meşşan kimi

Yalnız istəkləri uğrunda nəzakətli olur...

 

İnsan ömrü də bir yarpaq kimi

Düşür göy üzünün budaqlarından...

Biz solmağa başlayanda

Uşaqlarımız tumurcuqlayır...

 

Hardasa xatirələr təsəlli olur,

Ömrün qürub çağında.

Onu da danışmağa

Ürək qalmır, ürək...

 

 

30 yaşın şeiri

 

Qalmağa yerim yoxdu,

Getməyə bir yolum.

Ancaq keçmişlədi işim,

Nə axtarıram, nə itirmişəm,

Özüm də bilmirəm...

 

Bir şəkil var, o şəkildə

Bütün varlığınla yox olmusan...

Təkcə gözlərin danışır,

Əllərin susub,

Saçların susub,

Dodaqların susub...

 

Təkliyim bir körpüdü,

Nifrət çayından keçirir məni.

Uzaqlarda, lap uzaqlarda

bir tanış səs duyulur:

daha heç kim əvvəlki kimi deyil,

daha hamı unutmağı bacarır...

 

 

Ömür

 

Qayıda bilsəm,

Özümə qayıdardım...

Mən səndən yox,

Özümdən getmişəm...

Beləcə qarışdım

İnsanlar arasına-

Bir yarpaq kimi

Düşdüm,

Ömrümün ən sağlam

Budağından...

Nə payız idi, nə də qış,

Hələ unutmamışdın məni...

Baxdım uzaqlardadı

əlim çatan arzular,

heç kimi yox,

təkcə özümü

qınadım və susdum...

 

 

Göyərçin dəni

Xırda pulları uğur nişanəsi kimi

Saxlayıram cibimdə...

Elə bilirəm göyərçinlər üçün

Dən yığıram...

Sonra bir parkda-

O xırda pulları

Göyərçinlərə dən əvəzi bilirəm...

"Bağışlayın, xırda pullar qəbul olunmur”-

Deyir satıcı xanım...

Halbuki bilmir

O xırda pulların

Göyərçinlər üçün

Dən olduğunu...

 

 

Dosta Göndər :

  

SON XƏBƏRLƏR

2021-10-23
2021-10-22

Video

Yazarlar

MARAQLI

DÜNYA

ƏDALƏT BU GÜN
October: 23 21 19 16 14 12 09 07 05 02

Redaktor seçimi

FOTOREPORTAJ

GÜNÜN SİTATI

SORĞU

COVİD 19 peyvəndi vurdurmusunuz?

ÇOX OXUNAN

GÜNÜN LƏTİFƏSİ

Vasif Quliyevin kefi yuxarıdı, sanki səmalarda uçur. Aqil Abbas:

- Vasif, xeyir ola, genə göylərdə uçursan?

Vasif müləllim:

- Qağa neyniyim, "Parıament" siqareti cəkirəm, amma parlamentə düşə bilmirəm. "Prezident" yağı yeyirəm, prezident ola bilmirəm. Bircə

 "Vozdux" arağı real kömək edir, içən kimi havalarda uçuram.

ARXİV

TƏQVİM

FACEBOOK