1987-ci ildə həm sovetlər birliyində, həm də dünyanın bir çox ölkələrində cəsurluğu, igidliyi ilə örnək olan, 19 yaşında 28 gürcünü azğın sellərin ağzından - ölümdən  xilas edərək əbədiyyətə qovuşan Rahib Məmmədovun  xatirə gecəsi keçirilib.

Adalet.az xəbər verir ki, 11 aprel Xəzər rayon Mərkəzləşdirilmiş Kitabxana Sisteminin Mərkəzi Kitabxanasında "Qırmızı ulduz"ordenli qəhrəman Rahib Məmmədova həsr edilmiş tədbir keçirilib. Azərbaycan Respublikasının Dövlət Himni səsləndirilib. Azərbaycan xalqının ərazi bütövlüyü uğrunda canlarından keçmiş şəhidlərimizin ruhu bir dəqiqəlik sükutla yad edilib.

.

Tədbirdə şəhidin qardaşı,Rahib Məmmədov adına Döyüş şöhrəti muzeyinin direktoru Sahib Məmmədov, Abşeron Binə Peşə Liseyinin şagird və müəllim kollektivi,Azərbaycan Dövlət Mədəniyyət və İncəsənət Universiteti tələbələri, jurnalist Teymur Zahid oğlu, Ağdam rayon Mahrızlı kənd nümayəndəsi Adil Aslanov, Ağdama qayıdış ictimai birliyinin sədri Azər Qasımov, tibb xidməti polkovniki, Qarabağ Müharibəsi veteranı Adil Eyvazov, şair publisist Rəfael Tağızadə, Cəbrayıl Tarix Diyarşünaslıq Muzeyinin icraçı direktoru, şəhid Nurəddin Fətullayevin bacısı Aytən Fətullayeva, şəhid Elçin Hacıyevin anası Məlahət Hacıyeva, vokalist Cahangir Cahangirov adına xor kollektivinin solisti Emil Bağırzadə, Azərbaycan Milli Konservatoriyasının məzunu, Respublika müsabiqələr laureatı Səma Vüqarlı iştirak edib. ADMİU-nun 2-ci kurs tələbəsi, Azərbaycan Yazıçılar Birliyinin üzvü ,4 kitab müəllifi Səma Muğanna və 4- cü kurs tələbəsi Kənan Hüseynov şeirlər səsləndirib.

ADMİU-nun tələbələrinin ifasında musiqi parçaları səsləndirilib. Bildirilib ki, ,Rahib Məmmədov xatirəsi daima əbədi yaşayacaqdır.

Xatırladırıq ki, 1987-ci il fevralın 1-dən 2-nə keçən gecə 19 yaşlı azərbaycanlı əsgər -1967-ci ildə Azərbaycanın Ağdam rayonundakı Mahrızlı kəndində anadan olmuş  Rahib Gülmalı oğlu Məmmədov hərbi xidmət keçdiyi Gürcüstanın Xobi rayonundakı Çaladidi kəndində böyük fədakarlıq və qəhrəmanlıq göstərərək təbii fəlakət zamanı 28 nəfər sakini seldən xilas edib və qəhrəmancasına həlak olub.

 Əntiqə Rəşid