ABŞ prezidenti Donald Tramp Vaşinqtonda eniş edərkən helikopterlə toqquşan sərnişin təyyarəsinin ekipajının düzgün hərəkət etdiyini bildirib.

Adalet.az xarici mediaya istinadən xəbər verir ki, Tramp fəlakətə helikopter pilotunun səbəb olduğunu deyib.

“American Airlines təyyarəsi eniş etmək üçün yaxınlaşırdı. Hər şeyi düzgün edirdi. Nədənsə orada eyni hündürlükdə olan bir helikopter var idi. Görünür, toqquşma anında onlar təxminən eyni hündürlükdə olublar. Səs yazılarına qulaq asdım.Bu, dəhşətli idi", - deyə Tramp qeyd edib.

O, həmçinin qeyd edib ki, Vaşinqton səmasında təyyarə ilə helikopterin toqquşması nəticəsində sağ qalan olmayıb.