22 Noyabr 2023 16:35
1624
MƏDƏNİYYƏT

Amsterdamdan "Qarabağ erməniləri"nə ianə:  "Erməni kinosu" günləri keçiriləcək

“Filmadaran” İctimai təşkilatın və niderlandlı kino tənqidçisi Hyuqo Emerzaelin əməkdaşlığının nəticəsində Qarabağı tərk edən erməniləri  dəstəkləmək üçün erməni kinosunun 100 iliyinə həsr olunmuş kinoproqram həyata keçirilir.

Ermənistanın milli kinomərkəzindən bildirirlər ki, filmlərin nümayişi noyabırın 24, 25, 26-da Amsterdamın MACA (Moving Arts Center Amsterdam) mədəniyyət mərkəzində keçiriləcək.

Bilet satışından əldə edilən bütün qazancı xeyriyyəçilik çərçivəsində dəstəkləmək məqsədiylə yönəldiləcək.

“Mənsubiyyət kinosu: Erməni kinosunun 100 illiyi” proqramının çərçivəsində tamaşaçılara 5 tammetrajlı və 6 qısametrajlı  film təqdim olunacaq.

Qeyd olunur ki, filmlərdən bəziləri Ermənistan milli kinomərkəzi tərəfindən verilmişdir.

 P.S. Maraqlıdır ki, bu gün Ermənistanın iqtisadiyyat naziri Vaan Kerobyan  xüsusi vurğulayıb ki, Almaniya Ermənistana qrant və kredit şəklində 84,6 milyon avro məbləğində dəstək verəcək:" Bu da orta ixtisas peşə təhsilinin inkişafına, eləcə də bərpa olunan enerji sahəsində yeni proqramların həyata keçirilməsinə yönəldiləcək".

 Əntiqə Rəşid