2023-cü ildə doğuş zamanı 260 min qadın dünyasını dəyişib. Bu da hər 2 dəqiqədə bir qadın ölümü deməkdir.

Adalet.az xəbər verir ki, bu statistika Ümumdünya Səhiyyə Təşkilatının (ÜST) hesabatında yer alır.

Qurum bildirir ki, vəziyyət kasıb ölkələrdə, xüsusilə də Afrikada daha ciddidir. Dünyanın böyük bir hissəsində hamiləlik qadınların həyatı üçün ciddi təhlükə olaraq qalır.

ÜST-nin hesabatına görə 2000-2023-cü illərdə dünyada qadın ölümlərini 40 faiz azaltmaq mümkün olub. Buna səbəb tibbi xidmətin əlçatanlığının asanlaşmasıdır. Lakin son 5 ildə inkişaf ləngiyib.