adalet.az header logo
  • Bakı 17°C
  • USD 1.7
14 Mart 2023 10:51
650
ƏDƏBİYYAT

Anar: XXI ƏSRİN İLK NİKBİN ŞERİ

Bu  gün Xalq  yazıçısı ANARIN doğum günüdür Onun 85  yaşı tama olur!   

"Ədalət" qəzetinin kollektivi adından çox DƏYƏRLİ  Anar  müəllimi Təbrik edirik!

Keçib getdi,
min il, yüz il;
Keçib getdi,
on il, son il.
Keçib gedir
son ay, son gün,
son dəqiqə, son saniyə.
Əsim-əsim əsir səsim,

Axı əsir səsim niyə?
Mən əsrimin əsiriyəm,
Mən əsrimin əsəriyəm.

Yaxşım, pisim -
Fikirlərim, duyğum, hissim,
Ömrüm-günüm, əsərlərim,
əsəblərim,

Ağrılı-acılı sirlərim, -
Nəyim yoxdur, nəyim vardır -
Bu yüz ildən yadigardır.
Tərk edirəm diri-diri

İyirmini -
İki mini.
Tərk edirəm vətən kimi
Ümidimi, diləyimi

yeni əsrə daşıyıram, -
Düşmənlərin acığına
yaşamışam, yaşayıram.
İyirmi bir - yeni vətən,
Min illərin sərhəddini mən aşacam.

Yaşamışam, yaşayıram,
yaşayacam.