“Qurban Qurbanov Azərbaycan futbolunda inqilab edib. 12 dəfə Azərbaycan futbolunu Avropaya daşıyıb və nəticələr göstərib. O, yaxşı məşqçidir. Bu, nə söhbətdir? Futboldur, bu biri udanda, biri uduzur. Futbolda hər gün qələbə çalmırlar. Fənərbaxça kimi komanda uzun illərdir ki, heç Avropa Çempionatına çıxa bilmir. Qurban Qurbanovu gözdən salanlar elə özləri səhv yol tuturlar. Elə bil qısqanclıq edirlər”.

Adalet.az xəbər verir ki, bunsözləri Pravda.az-a açıqlamasında Milli Məclisin deputatı Aqil Abbas dünən baş tutan “Qarabağ” - “Tvente” matçından sonra baş məşqçi Qurban Qurbanov barəsində tənqidi fikirlərə münasibət bildirərkən deyib.

A.Abbas qeyd edib ki Q.Qurbanov Azərbaycanda əvəzolunmaz məşqçidir: “Oyunu mən də izlədim. Komanda yenidən yığılıb, transferlər yeni olunub. Hələ bir-birlərini tanımırlar, oyun üslubunu götürə bilmirlər. 2-3 oyundan sonra komanda yenə əvvəki “Qarabağ” olacaq. Yeni gələn furbolçulardır, adamı belə linç etmək doğru deyil”.