18 Sentyabr 2023 11:12
592
ƏDƏBİYYAT

Aqşin Dadaşoğlu: Gecələr soyuq olur səngərlər

Gecələr soyuq olur səngərlər,

Güllələrin işığında,isinir əsgərlər..

Hərdən canı yanan da olur ,bir güllə istisindən..

Səngərlər boğulur,yanan arzuların tüstüsündən..

Vətənin yaralı yeri qan verdikcə,

Neçə Şəhid qanı vurulacaq Vətənin damarlarına..

Ünvanına gec çatan əsgər məktubları,

Dönür Şəhid məktublarına..

Haradasa bir məmur balası şampan partladıb qızları qorxuzanda..

Əsir düşməmək üçün sonuncu qumbarasını sinəsinə sığan oğlanlar düşür yadıma..

Tüklərim ürpəşir..

Kim nə deyir desin..

Vətənin ən uca yeri Bayraqlarımızın dalğalandığı yerdi..

Vətənin Ana yeri

Səngərlərdi,

Səngərlərdi..