Azərbaycan və Ermənistan tərəfləri bir neçə gün öncə Geqarkunik bölgəsindəki Zod mədənində demarkasiya işlərinə başlayıb. 

Adalet.az xəbər verir ki, bu barədə Erməni KİV yazıb. 

Ermənistan Respublikası Baş nazirinin müavini Mqer Qriqoryanın ofisi məlumatı təsdiqləyib: "Zod mədəninin sərhəd hissəsində Ermənistan və Azərbaycan Respublikasının nümayəndələri tərəfindən birgə sahə tədqiqat işləri aparılmışdır.

 Sərhəd demarkasiyası ilə bağlı işlər Ermənistan Respublikasının qanunvericiliyi və parlament tərəfindən təsdiq edilmiş “Ermənistan Respublikası ilə Azərbaycan Respublikası arasında Dövlət sərhədinin demarkasiyası və Sərhəd Təhlükəsizliyi Məsələləri üzrə Komissiyanın və Azərbaycan Respublikası ilə Ermənistan Respublikası arasında Dövlət sərhədinin demarkasiyası üzrə Dövlət Komissiyasının birgə fəaliyyəti haqqında” Əsasnamə ilə tənzimlənir". 

Qeyd edək ki, Zod qızıl yatağnın bir hissəsi Kəlbəcər rayonunun ərazisinə düşür.