adalet.az header logo
  • Bakı 26°C
  • USD 1.7
23 May 2022 12:18
553
ƏDƏBİYYAT

BAKIDA MUJİK DİLİ - İlhami Cəfərsoy yazır

Rusların zadəganları 1812-ci ilə qədər öz dillərini bəyənmirdilər, fransız dilində danışırdılar. Deyirdilər ki, o dil bizim ali zatımıza layiq deyildir, küçədəki mujiklərin dilidir.

Bonapart Napoleon 1812-ci ildə Moskvanı tutub yandırmasaydı, onlar indiyəcən özlərinə müsyö, arvadlarına madam deyəcəkdilər. Moskva alovlar içində yananda ivanlar tüstülər içində olan şəhərə baxıb ağladılar. Dilləri dolaşa-dolaşa rusca danışmağa başladılar.

Yekaterinanın tumanından çıxanlarlar 37-də şairlərimizi güllələdilər, biz 70 il onların dilində danışdıq. Torpaqlarımızı alıb erməniyə verdilər, balalarımızı rus məktəblərinə qoyuruq.

Urusuca dissertasiyalar yazıb, mujik elmlər doktoru oluruq. İstər-istəməz düşünürsən, Bakı Azərbaycandır? Bakı Azərbaycandırsa, nə üçün reklamların 90 %-i rus və Avropa dillərindədir? Bakı Azərbaycandırsa, nə üçün dövlət qulluğuna müsabiqələrdə ana dilindən sertifikat tələb olunmur? Almaniyada lll dərəcəli sertifikatın yoxdursa, sənə küçə də süpürtdürmürlər. l dərəcəli sertifikat ala bilməsən, dövlət qulluğuna yaxın buraxmırlar.