“Bakıvaxtı.az Xəbər Portalı”ndan Türkiyəyə DƏSTƏK

Xəbər verdiyimiz kimi, fevralın 6-da Türkiyədə səhər saatlarında 7.7 bal gücündə zəlzələ baş verib. Zəlzələ Hatay, Qaziantep, Kilis, Osmaniye, Malatya, Adıyaman, Şanlıurfa, Diyarbəkir, Adana və Kahramanmaraş vilayətlərində ciddi dağıntılara səbəb olub.
Bu hadisədən dərhal sonra Azərbaycan Respublikasının Prezidenti İlham Əliyevin tapşırığına əsasən, baş vermiş faciənin nəticələrinin aradan qaldırılması ilə əlaqədar Azərbaycandan Türkiyəyə genişmiqyaslı yardıma başlanıb.
Azərbaycanın birinci xanımı, Heydər Əliyev Fondunun prezidenti Mehriban Əliyevanın göstərişinə əsasən, Türkiyənin zəlzələ bölgəsinə növbəti humanitar yardım təyyarələri göndərilib.
Qardaş ölkədə baş verənfaciədən sonra Azərbaycanın dövlət qurumları və müxtəlif təşkilatlar Türkiyə üçün yardım kampaniyasına qoşulublar.
“Bakıvaxtı.az Xəbər Portalı” MMC zəlzələnin ağır nəticələrinin aradan qaldırılmıası, çətin vəziyyətə düşmüş insanlara köməklik məqsədilə müvafiq bank hesabına 1700 manat məbləğində maliyyə vəsaiti köçürüb.
“Qardaş ölkə Türkiyədə baş verən dəhşətli zəlzələlər hər birimizi hədsiz kədərləndirdi. Bu ağır günlərdə türk xalqının yanındayıq, türk qardaş və bacılarımızın hüznünə şərikik, zəlzələ nəticəsində həyatını itirənlərə Allahdan rəhmət, yaralılara şəfa diləyirik! Tanrı Türkiyəni, Azərbaycanı qorusun”, - redaksiyanın açıqlamasında deyilir.
Digər Xəbərlər

Tanınmış teleaparıcının doğum günüdür

“Media savadlılığı və dezinformasiya ilə mübarizə” mövzusunda keçilən təlim proqramı yekunlaşıb

MEDİA daha bir təlim proqramına başladı - FOTOLAR

Mətbuat Şurasında "Qarabağ" FK-nin şikayətinə baxıldı

Yelena Sidorenko: "Ən böyük səhv auditoriyanın qarşısında..."

Mətbuat Şurası bu başlıqla xəbər yayanlara çağırış etdi

İradə İsak: “Başımı qoyub ölsəm, qızım yiyəsiz qalmasın”
