"Bütün namizədləri qanunvericiliyin tələblərinə əməl etməyə çağırırıq" - MSK

Mərkəzi Seçki Komissiyası (MSK) bütün namizədləri qanunvericiliyin tələblərinə əməl etməyə çağırır.
Adalet.az xəbər verir ki, bu sözləri Mərkəzi Seçki Komissiyası (MSK) sədrinin müavini Rövzət Qasımov deyib.
Bütün namizədlərin bərabər şərtlərə əsaslanan təşviqat kampaniyalarının aparılması üçün qanunvericiliyin tələblərinə uyğun lazımi addımların atıldığını və geniş imkanların yaradıldığını bildirən R.Qasımov qeyd edib: “Bütün dairələrin ərazilərində müvafiq qurumlarla əməkdaşlıq şəraitində kifayət qədər, hətta artıqlaması ilə açıq və qapalı yer müəyyənləşdirilib. Respublika üzrə ümumilikdə 5506 açıq və qapalı yer ayrılıb. Həmin yerlər heç bir ödəniş tələb olunmadan təşviqat subyektlərinin sərəncamındadır. Namizədlər ayrılmış yerlərdə öz seçiciləri ilə sərbəst şəkildə görüşmək imkanına malikdirlər. Eyni zamanda, deputatlığa namizədlər ödənişli seçkiqabağı təşviqata qoşulmaqla bağlı MSK-ya müraciət etmiş 58 media qurumunda bərabərlik prinsipi əsasında və eyni şərtlərlə təşviqat da apara bilərlər”.
“Bütün namizədlərdən təvəqqemiz qanunvericiliyin tələblərinə uyğun, bir-birinə qarşılıqlı hörmət şəraitində təşviqat aparmalarıdır. Təşviqatın hədəfi digər namizədlərə qarşı kampaniya deyil, seçicilərə öz ismarışlarını çatdırmaqdan ibarət olmalıdır”, - deyə R.Qasımov əlavə edib.
MSK sədrinin müavini namizədlərə də müraciət edərək bildirib: “Bütün namizədləri qanunvericiliyin tələblərinə əməl etməyə çağırırıq”.
Digər Xəbərlər

İsrail və İranda ölənlər arasında Azərbaycan vətəndaşları yoxdur - XİN rəsmisi

Səfir Ukraynaya göstərdiyi dəstəyə görə Azərbaycana minnətdarlıq edib

İlham Əliyev Fələstinin yeni səfirinin etimadnaməsini qəbul etdi - FOTOLAR

Yeni dünya nizamına keçid prosesi müşahidə olunmaqdadır - İlham Əliyev

Prezident beynəlxalq konfransın iştirakçılarına müraciət ÜNVANLADI

İlham Əliyev Milli Qurtuluş Günü ilə bağlı PAYLAŞIM EDİB - FOTO

Ərdoğan Prezident İlham Əliyevə ZƏNG ETDİ
