“CinemaPlus” kinoteatrlar şəbəkəsində Dras Film Pictures-in istehsalı olan “Korku Takvimi” Türk qorxu filminin nümayişi başlayıb.

Kinoteatrdan verilən məlumata görə, filmin rejissoru, Yunus Şevik, baş rollarda Melisa Seda, Zafer Kora və Nevin Efedir. Filmin müddəti 100 dəqiqədir.

Ekran əsəri barədə məlumat: Hülyanın ən böyük arzusu məşhur aktrisa olmaqdır. Bir gün o arzuladığı baş rol təklifini alır. Amma bilmirdi ki, baş rolu oynamayacaq, həyat onunla amansızcasına oynayacaq. Yaxın dostu Ebru və rol yoldaşı Tahirlə çəkiliş meydançasına gedərkən qarşılaşdıqları qəza ilə başlayan macəra əslində ən məsum hadisə olacaq. Çəkilişlərin başladığı və arzusuna çatdığı günün gecəsi Hülya anlaya bilmədiyi hadisələrlə üzləşir.