Yazıçılar İttifaqında dövlət xadimi, şair, publisist  Qənbər Şəmşiroğlunun 90 illik  yubileyi təntənəli şəkildə qeyd edildi. Yubileyi  giriş sözü ilə Yazıçılar İttifaqının katibi Rəşad Məcid açdı. Sonra sözü Bakı Dövlət Universitetinin kitabxanaçılıq fakültəsinin dekanı, şair Ələmdar Cabbarlıya verdi. Yubileydə xalq şairləri, millət vəkilləri, respublikanın tanınmış alimləri və görkəmli ziyalılar iştirak edirdi. 

Çıxış edənlər Qənbər Şəmşiroğlunun çoxsaylı yaradıcılıq dünyasından, şəxsiyyətindən, ictimai-siyasi fəaliyyətindən geniş  söhbət açdılar,  Qənbər Şəmşiroğlu ilə bağlı  xatirələrini  bölüşdülər. Təxminən iki saat  çəkən  tədbirin  sonunda Aşıq Şəmşir ocağının başqa bir  yadigarı Cavid Qənbəroğlu  atası və babası  ilə bağlı heç kəsin bilmədiyi  xatirələri  danışdı və tədbir iştirakçılarına Aşıq Şəmşir ocağı ilə bağlı xoş sözlərinə   görə təşəkkür  etdi.