Ölkə başçısının tapşırığına əsasən işğaldan azad olunmuş ərazilərə Böyük Qayıdış Proqramının icrası sürətlə davam edir.

Adalet.az  xəbər verir ki, keçmiş məcburi köçkünlərin doğma yurdlarına qayıdışı mərhələli şəkildə həyata keçirilir və hazırda həmin ərazilərdə 62 mindən çox vətəndaş yaşayır, çalışır və fəaliyyət göstərir. Qayıdış prosesinin uğurla icrası ölkə ictimaiyyətində böyük maraq və məmnunluqla qarşılanır.

Qaçqınların və Məcburi Köçkünlərin İşləri üzrə Dövlət Komitəsi Böyük Qayıdış çərçivəsində keçmiş məcburi köçkünlərin azad edilmiş ərazilərə qayıdışını əks etdirən videoçarxların paytaxtın reklam lövhələrində nümayişi ilə bağlı fləşmob həyata keçirib. Təqdim olunan fləşmob həmin maarifləndirici təşəbbüsün bir hissəsidir.