DÜNYANIN GÖZÜ AZƏRBAYCANDA
![](https://adalet.az/uploads/img/posts/2024/08/13/11jpg-1723545421.jpg)
Böyük ölkələr elə təsəvvür edirlər ki, Azərbaycanın ermənilər tərəfindən işğal olunmuş 20 faiz torpağı hələ uzun illər ermənilərin nəzarəti altında qalacaq. Hətta düşünürdülər ki, 30 il azdır, bir 30 il də o torpaqlar işğal altında qalmalıdır. Təəssüf ki, onlar nə beynəlxalq hüquqa, nə də Birləşmiş Millətlər Təşkilatının çıxardığı 4 qətnaməyə heç bir məhəl qoymurdular. Əksinə, Qarabağ problemini dondurmaq üçün dəridən-qabıqdan çıxır və ermənilərə havadarlıq edirdilər. Ermənilər də o «dayılarına» çox arxayın idilər. Çünki 2016-cı ilin aprelində Azərbaycan ordusu əks hücuma keçərək işğal altında olan min hektarlarla torpaq sahəsini ermənilərdən azad eləmişdilər. Amma onların havadarları müxtəlif yollarla söz verərək, ya da təzyiqlərdən istifadə edərək o döyüşləri saxlada bilmişdilər. Və buna görə də ermənilərin ağzında şirə yeri qalmışdı.
Ancaq çox nahaq. Artıq Azərbaycan ermənilərə çox güzəşt etmişdi və onların nazı ilə oynamışdı. Bu isə o demək idi ki, artıq hər şey bitib və bıçaq sümüyə dirənib. Belə bir zamanda yenə ermənilər 2020-ci ilin sentyabrın əvvəllərindən başlayaraq bütün sərhəd boyu yaşayış məntəqələrimizi fasiləsiz olaraq iriçaplı silahlardan və artileriyalardan atəşə tuturdular. Azərbaycan prezidenti ermənilərin atəşkəsi pozması ilə bağlı dəfələrlə mötəbər kürsülərdə öz fikirlərini səsləndirmiş, onların qarşısını almağı bildirmişdi. Çox təəssüf ki, nə beynəlxalq təşkilatlar, nə də ermənilərin havadarları işğalçını heç cürə susdura bilmirdi. Təbii ki, Azərbaycan öz hüquqlarını həm beynəlxalq səviyyədə, həm də daxildə özü qorumağa məcbur idi. Ən azından ona görə ki, demokratiyadan, insan hüquqlarından və söz azadlığından dəm vuran ermənilərin havadarları bu atəşkəsə əməl edilməməsinə soyuqqanlı yanaşır, onun qarşısını almır, əksinə, təcavüzkarı dəstəkləyirdilər.
Aydındır ki, bütün bu məsələlər Azərbaycan prezidenti, Ali Baş Komandan İlham Əliyev tərəfindən diqqət mərkəzində saxlanılır, ermənilərin hər addımı, hər cür fəaliyyəti bir an olsun belə Azərbaycan ordusunun nəzarətindən yayınmırdı. Ermənilər artıq qudurmuş itə bənzəyirdi. Qudurmuş iti isə ancaq öldürməklə ondan can qurtarmaq olar. Ona görə də ermənilərin atəşkəsi pozduğuna görə Ali Baş Komandan, Azərbaycan prezidenti İlham Əliyev Orduya sentyabrın 27-də hücum əmri verdi. Bəli, sentyabrın 27-də Azərbaycan Ordusu bütün cəbhə boyu istiqamətdə döyüşə atıldı, təpədən-dırnağa qədər müasir silahla və ağır texnika ilə təchiz edilmiş Azərbaycan ordusu bir neçə günün içində Füzulinin və Cəbrayılın 6 kəndini işğaldan azad etdi. Bu 6 kəndin qısa zaman kəsiyində azad edilməsi Azərbaycan ordusunda çox böyük ruh yüksəkliyi yaratdı. Yəni Azərbaycan ordusu ermənilərə və onların havadarlarına bir daha göstərdi ki, bu ordu ötən əsrin 90-cı illərinin əvvəllərində olan ordu deyil. Bu ordu NATO standartlarına uyğun hazırlıq keçmiş, təlim görmüş və hər cür çətinlikləri dəf etməyə qadir olan qüdrətli bir ordudur.
Uzun müddət ermənilər öz ordusu haqqında elə bir mif yaratmışdılar ki, onların ordusu Cənubi Qafqazın ən güclü ordusudur.
Azərbaycan ordusu hər gün, hər saat, hər dəqiqə irəli getmək haqqında düşünürdü və bu ordu ermənilərin 30 il yaratdığı möhkəm istehkamları, müdafiə xəttini düşmənin dili ilə demiş olsaq, «Ohanyan səddi»ni bir neçə saatın içində darmadağın etdi. Çünki bu ordunun başında duran Ali Baş Komandan, Azərbaycan prezidenti İlham Əliyev döyüşən igidlərimiz üçün hər cür şərait yaratmışdı. Bayaq dediyimiz kimi, ən müasir texnika, silah, ağır və yüngül silahlarla Azərbaycan ordusu daha da möhkəmlənmişdi.
Artıq hər gün biz televizorun qarşısında oturub Ali Baş Komandanın xalqımıza verəcəyi xoş müjdəni gözləyirdik. Gözləyirdik ki, Cəbrayıl, Füzuli, Qubadlı, Zəngilan, Kəlbəcər, Hadrut, Şuşa, Laçın, Ağdam nə vaxt erməni işğalından azad olunacaq. Artıq ilk sevincli xəbəri biz eşitdik – Cəbrayıl şəhəri erməni işğalından azad olundu. Bu o deməkdir ki, ermənilərin müdafiə səddi darmadağın dağıdılmışdı və onlar döyüşmək əvəzinə canlarını sağ-salamat götürüb qaçmaq haqqında düşünürdülər. Çünki canlı qüvvə və texnika sarıdan onlar bir neçə gün ərzində böyük itki vermişdilər. Ermənilər elə düşünürdülər ki, aprel döyüşlərində olduğu kimi, yenə onların havadarları Azərbaycan ordusunun hücumunun qarşısını alacaq və onlar da rahat oturub işğal olunmuş torpaqlarımızda yaşayacaqlar. Amma onlar gördülər ki, yox, bu həna o hənadan deyil. yeganə çıxış yolu ya döyüşmək, ya da ki bu torpaqlardan qaçıb getməkdir. Onlar döyüşmək istəmir və qaçmağa üstünlük verirdilər.
Azərbaycan əsgəri isə aslan kimi, şir kimi döyüşürdü. Artıq rayonlarımız bir-bir işğaldan azad olunurdu. Cəbrayıldan sonra Hadrut işğaldan azad edildi… Füzuli işğaldan azad edildi… Qubadlı işğaldan azad edildi… Zəngilan işğaldan azad edildi… Sonda da noyabrın 8-də Azərbaycanın üzük qaşı olan Şuşa erməni işğalından azad olundu…
Və ermənilər məcbur olub 2020-ci il noyabrın 10-da təslimolma Bəyannaməsinə imza atdı. Bu Bəyannaməyə Azərbaycan prezidenti İlham Əliyev, Rusiya prezidenti Vladimir Putin imza atmışdılar. Bəyannamədə qeyd edilirdi ki, noyabrın 10-dan atəşkəs elan olunur və erməni ordusu müəyyən edilmiş vaxt kəsiyində Azərbaycanın Ağdam, Laçın və Kəlbəcər rayonlarından çıxırlar. Həmin vaxt tamam olanda erməni ordusu bu yaşayış məntəqələrindən çıxmağa başladı. Amma yaşayış məntəqələrindən çıxarkən yenə ermənilər öz xislətlərini göstərdilər, yəni evlərə, meşələrə od vurdular. Onların əlacı olsaydı Qarabağ torpaqlarını bellərinə şəlləyib Ermənistana aparardılar. Amma ermənilər Ermənistana elə bir şey apara bilmədilər, ancaq öz canlarını götürüb qaçdılar.
44 günlük İkinci Qarabağ savaşı bir daha təsdiq etdi ki, Ali Baş Komandan, prezident İlham Əliyev, Azərbaycan xalqı və Azərbaycan ordusu bir yumruq kimi birləşmişdi. Bu yumruğun qarşısında nə erməni ordusu, nə də onların havadarları 44 günlük tarixi savaşda dayana bilmədilər. Dünya tarixində analoqu və oxşarı olmayan çox möhtəşəm bir əməliyyat həyata keçirildi. Mülki əhalinin birinin belə burnu qanamadan Azərbaycan ordusu işğal altında olan torpaqlarımızı azad etdi. Hətta dünyanın ən güclü ordusuna malik olan ABŞ və Avropa ölkələri belə hər hansı ölkədə müharibə apararkən mülki əhaliyə və infrastruktura böyük ziyan vurur, şəhərləri xarabaya çevirirdilər. Amma Azərbaycan ordusu elə bir əməliyyat həyata keçirdi ki, bu tarixi döyüşün taktiki formaları bu gün də dünyanın hərbçiləri tərəfindən araşdırılır, öyrənilir. Çünki qüdrətli Azərbaycan ordusu XXI əsrin çox qeyri-adi və unikal Şuşa əməliyyatını həyata keçirməklə dünya hərb tarixində yeni bir qızıl səhifə yazdı. Və bu qızıl səhifə göstərdi ki, Azərbaycan ordusu və əsgəri dünyanın ən döyüşkən, cəsur ordusu və əsgəridir. Allah Azərbaycan əsgərini qorusun!
Emil Faiqoğlu
Yazı Medianın İnkişafı Agentliyinin maliyyə dəstəyi ilə hazırlanıb.
Digər Xəbərlər
![](https://adalet.az/uploads/img/posts/2024/08/26/26jpg-1724676883.jpg)
44 GÜNÜN BÖYÜK ZƏFƏRİ!
![](https://adalet.az/uploads/img/posts/2024/08/23/8jpeg-1724407849.jpeg)
Qarabağ zəfəri müasir ədəbiyyatda
![](https://adalet.az/uploads/img/posts/2024/08/19/6jpg-1724055955.jpg)
AZƏRBAYCAN DÜNYAYA QUCAQ AÇIR
![](https://adalet.az/uploads/img/posts/2024/08/15/35jpg-1723725204.jpg)
“Fiziki məhdudiyyətli şəxslərin asudə vaxtlarının səmərəli təşkili” adlı layihənin dördüncü və sonuncu yekun tədbiri
![](https://adalet.az/uploads/img/posts/2024/08/14/1jpg-1723651932.jpg)
Agentliyin dəstəyi ilə QHT Zərdabda tibbi maarifləndirici tədbir keçirib
![](https://adalet.az/uploads/img/posts/2024/08/13/D20E06CC-4A38-4390-9B1F-C8C531D3D4AAjpeg-1723543321.jpeg)
İsmayıllıda “Qadınlar ailə dəyərləri uğrunda” mövzusunda tədbir keçirilib - FOTOLAR
![](https://adalet.az/uploads/img/posts/2024/08/10/16jpg-1723267135.jpg)
“DSD” İctimai Birliyi gəmidə təlim keçirdi
![](https://adalet.az/uploads/img/posts/2024/08/05/6jpg-1722845898.jpg)