DYP yük avtomobili sürücülərinə müraciət etdi

Baş Dövlət Yol Polisi İdarəsi yük avtomobili sürücülərinə müraciət edərək bildirir ki, iri qabarit, yüksək çəki və uzun tormoz məsafəsi bu nəqliyyat vasitələrinin idarəsini digər avtomobillərə nisbətən daha çətin və məsuliyyətli edir. Bu xüsusiyyətlər nəzərə alınmadan hərəkət edilməsi qəza riskini dəfələrlə artırır.
Baş Dövlət Yol Polisi İdarəsindən Adalet.az-a verilən məlumata görə, sürət həddinin seçilməsi zamanı hava şəraiti, yol örtüyünün vəziyyəti və daşınan yükün ağırlığı nəzərə alınmalı, qəfil yaranan vəziyyətlərdə vaxtında reaksiya vermək üçün təhlükəsiz məsafə qorunmalıdır. Zolaq dəyişmə, dönmə və digər manevrlər yalnız kifayət qədər yer və vaxt təmin edildikdən sonra icra olunmalıdır.
Yol kənarında dayanma yalnız qanunvericiliklə müəyyən edilmiş yerlərdə həyata keçirilməli, görünüş sahəsini məhdudlaşdıran, hərəkət zolaqlarını daraldan və qəza riskini artıran hallara yol verilməməlidir.
Fasiləsiz hərəkətin uzun müddət davam etməsi sürücünün diqqətini və reaksiya qabiliyyətini azaldır. Bu səbəbdən vaxtaşırı dayanaraq istirahət etmək, səhhətində problem olduğu halda sükan arxasına keçməkdən imtina etmək hər bir sürücünün borcudur.
Unutmayın! Qaydalara riayət olunması yol hərəkətində iştirak edən bütün şəxslərin həyat və sağlamlığının qorunması üçün zəruridir.
Digər Xəbərlər
jpg-1756479083.jpg)
Ərəbə görə dost itirməyə dəyməz: "Mavi Marmara"dan sonra növbəti gərginlik

Şəhərlərarası sərnişindaşımada avtobus parkı yenilənir

Prezidentdən müddətli həqiqi hərbi xidmətə çağırışla bağlı - Sərəncam

İlham Əliyev bu icra başçısına şiddətli töhmət verdi

Vilayət Eyvazov Xaçmazda vətəndaş qəbulu və sıra baxışı keçirib - VİDEO + FOTOLAR

Azərbaycan və Latviya səhiyyə və tibb elmi sahəsində əməkdaşlığı genişləndirir - FOTO

Bakı metrosunda pik saatlarda interval azaldılacaq
