Ağırdı daşın , kədərim,

Qaldıra bilmirəm yerdən...

Belə yazılıb qədərim -

Ruhum dincəlir şeirdən...

Çiynimə atdığım xurcun,

Kağız - qələmə sirr yeri...

Oxudum bəxtimin bürcün -

Sağaldan deyil Bir yeri!..

Dalımca atılan suyun,

Duzu şəkərindən fazla...

Allahın adını duyun -

Adımı heç hara yazma!..

Qoy üzü gülsün kədərin,

Mənim də yerimə mənsiz...

Demək beləymiş qədərin -

Zümzümə etmək "Sənsiz!"...