Ukrayna artıq Qərb ölkələrindən 10 ədəd F-16 qırıcısı alıb və ilin sonuna kimi onların sayı 20-yə çatacaq.

Adalet.az xəbər verir ki, bu barədə “Economist” jurnalı məlumat yayıb.

Nəşrin məlumatına görə, ümumilikdə Ukrayna hakimiyyəti 79 F-16 qırıcısına arxalana biləcək. Qərb 2025-ci il ərzində təyyarələri mərhələli şəkildə göndərməyə davam edəcək.

Ukrayna Prezidenti Volodimir Zelenski də ölkəsinin artıq F-16-ya sahib olduğunu açıqlayıb. 

“Biz tez-tez “bu mümkün deyil” sözlərini eşidirdik. Ancaq indi bu, səmamızda reallıqdır”, - deyə Ukrayna prezidenti bildirib.