Vaşinqtonda Milli Qvardiyanın əsgərlərinə atəş açmaqda şübhəli bilinən şəxs Əfqanıstanda Mərkəzi Kəşfiyyat İdarəsi ilə əməkdaşlıq edib.

Adalet.az xarici KİV-ə istinadən xəbər verir ki, 29 yaşlı əfqan Rəhmanullah Laqanval ABŞ-yə köçməzdən əvvəl Əfqanıstandakı tərəfdaş qüvvələrlə əlaqələri olub.  

CIA direktoru Con Ratcliffe bildirib ki,  sözügedən şəxs Bayden administrasiya dövründə ABŞ-yə gəlib. FTB direktoru bildirib ki, hücumun motivi barədə spekulyasiya etmək hələ tezdir, lakin "hazırda terrorla bağlı araşdırma aparılır".

Vaşinqtonda baş verən atışmada 20 yaşlı Sara Bekstrom həlak olub, 24 yaşlı Endryu Vulf isə yaralanıb.