Hicran Hüseynova: Məktəblərdə belə halların baş verməsi hər birimiz düşündürməlidir

“Artıq müvafiq qurumlar lazımı araşdırmaları aparıblar, bununla bağlı ictimaiyyətə açıqlama veriblər.”
Bu sözləri Milli Məclisin Ailə, qadın və uşaq məsələləri komitəsinin sədri, professor Hicran Hüseynova məktəbdə sinif yoldaşını döyən şagirdlə bağlı danışarkən deyib.
Komitə sədri qeyd edib ki, uşaqların hüquqları bütün hallarda istər məişətdə, istərsə də müxtəlif sosial mühitlərdə müdafiə olunmalıdır: “Əfsuslar olsun ki, uşaqların zorakılığa (bullinqə) məruz qalma hallarına rast gəlinir. Lakin belə hallarda həm valideynlər, həm məktəblər, həm də elə uşaqların özləri məsuliyyət daşıyırlar. Ona görə də, problemə kompleks yanaşma olmalıdır. Uşaqların yaxşı təhsillə, yanaşı asudə vaxtlarının səmərəli keçirməsinə ehtiyac vardır. Valideynlər övladlarına həssas olmalıdırlar, onlarda sevgi, mərhəmət hissini aşılamalıdırlar, məktəb isə bunu daha da inkişaf etdirməlidir. Həmin uşaqlar sinif otağında tək deyillər, lakin digər şagirdlər bu hadisəyə biganə yanaşırlar, heç bir müdaxilə etmirlər. Yəni laqeydlik haradan başlanır? Keçid yaş dövrünü yaşayan bu uşaqlar fizioloji və psixoloji dəyişikliklər yaşayırlar. Müəllimlər, xüsusi ilə də sinif rəhbərləri, məktəb psixoloqları onlarla iş aparmalı, vaxtaşırı söhbət etməlidirlər. Valideynlər də uşaqlarına vaxt ayırmalı, onlara düzgün tərbiyə verməlidir.”
Digər Xəbərlər

Lisey və gimnaziyalara qəbulun nəticələri açıqlandı

MİQ üzrə müsabiqənin test imtahanı mərhələsi başa çatıb

Qarabağda 10-a yaxın yeni məktəb açılacaq

"Bu o demək deyil ki, kimsə bərkdən qışqırsa, qorxub imtahanı ləğv edəcəyik"

Azərbaycanda rus bölmələri bağlanacaq? - Nazirdən açıqlama

Müəllimlərin 45 faizi 1000 manatdan çox maaş alacaq

Nazir: Kolleclərdəki müəllim hazırlığının mənfi təsirləri indi görünür
