İlk “Altay” tankları Türkiyə ordusunun istifadəsinə veriləcək

Türkiyənin yerli istehsalı olan ilk əsas döyüş tankı “Altay” aprelin 23-də ölkənin milli suverenlik günü münasibətilə Silahlı Qüvvələrə təhvil veriləcək.
Bu barədə Türkiyənin aparıcı zirehli nəqliyyat istehsalçısı BMC-nin rəhbəri Murat Yalçıntaş məlumat verib.
O, qeyd edib ki, hazırda tankların Koreya istehsalı olan enerji blokları quraşdırılır. Bu elementin yerli analoqu isə 2026-cı ilə qədər hazır olacaq.
Yalçıntaş zirehli texnikanın Türkiyəyə dost ölkələrə ixracı perspektivini də istisna etməyib.
Qeyd edək ki, 65 tonluq döyüş maşını tank əleyhinə raket sistemləri və yeni nəsil aktiv müdafiə sistemi ilə təchiz edilir. Tank atəşinə nəzarət kompüter sistemindən istifadə etməklə həyata keçirilir.
İlk mərhələdə 250 tankın istehsalı nəzərdə tutulur. Ümumilikdə, Ankara 1000 belə döyüş maşınını istehsal etməyi planlaşdırır. Gələcəkdə tankın pilotsuz versiyaları da buraxılacaq.
“Altay” Türkiyə Silahlı Qüvvələrində xidmətdə olan Alman “Leopard”ları və ABŞ M60 tanklarını əvəz edəcək.
Digər Xəbərlər

Rusiya, Ukrayna və ABŞ prezidentləri Türkiyədə görüşə bilər - Fidan

Böyük Britaniya iki rus generalına sanksiya tədbiq edib

Şir qadına və iki uşağa hücum etdi - Anbaan görüntülər

Erməni deputat və katib toxunulmazlıqdan məhrum edildilər

Tanınmış iş adamı bu maddə üzrə ittiham olunur

Rusiyalı nazirin intihar etdiyi yerdən GÖRÜNTÜLƏR - VİDEO

Sabiq nazirin istefaya göndərilməsindən sonra nazirliyin əməkdaşı ürəktutmadan öldü
