Ermənistan və Amerika Birləşmiş Ştatları arasında "Beynəlxalq Sülh və Rifah naminə Tramp Yolu" (TRIPP) layihəsi üzrə Strateji Tərəfdaşlıq Çərçivə Sazişinin ratifikasiyası məsələsi hökumətin 16 iyul iclasının gündəliyinə daxil edilib. 

Adalet.az xəbər verir ki, hökumət müqavilədə nəzərdə tutulan öhdəliklərin ölkə Konstitusiyasına uyğunluğunu müəyyən etmək üçün Konstitusiya Məhkəməsinə müraciət edəcək. Konstitusiya Məhkəməsi öhdəliklərin Konstitusiyaya uyğun olduğunu tanıyarsa, hökumətin qanunvericilik təşəbbüsü müəyyən edilmiş qaydada parlamentə ötürüləcək.

Xarici işlər nazirinin müavini Vahan Kostanyan hökumətin Konstitusiya Məhkəməsindəki nümayəndəsinin səlahiyyətlərini öz üzərinə götürəcək.