Azərbaycan Dillər Universitetinin (ADU) rektoru, akademik, xalq yazıçısı Kamal Abdulla Beynəlxalq Türk Mədəniyyəti Təşkilatının (TÜRKSOY) “Şərəf” medalı ilə mükafatlandırılıb.

Adalet.az xəbər verir ki, mükafatlandırma mərasimi Ankarada TÜRKSOY-un Mərkəzi Qərargahında keçirilib.

Əvvəlcə TÜRKSOY-un Baş katibi Sultan Rayevin çıxışı dinlənilib.

Kamal Abdulla ilə yanaşı Qazaxıstan Yazıçılar Birliyinin sədri Ulyukbek Yesdaulet və Qırğızıstandan olan görkəmli ədəbiyyatçı və türkoloq Osmanakun İbraimovaya da “Şərəf” medalı təqdim edilib.

Mükafatlandırılan alimlər çıxış edərək türk dünyasının ali təltifinə layiq görüldükləri üçün minnətdarlıqlarını ifadə ediblər.

Qeyd edək ki, “Şərəf” medalı TÜRKSOY-un təsis etdiyi ən ali mükafatdır.